開站了

介紹下自己先

小弟我現在是一個大專生，90後，住私樓，屋企都算有錢。

但係小弟我是一個失敗者中嘅失敗者(在旁人角度睇)。點解小弟我會這樣說呢，因為小弟我讀書成績一直都不太好，當年考DSE名落孫山之後去左讀副學士但都因為成績不好被終止學業，在旁人眼光中一定是個失敗者。

但小弟我當年被學校終止學業之後休學的半年內，發現了財務自由的概念。所以我經過半年後重新開始做學生和開始踏上財務自由之路。

為甚麼會想寫Blog

有幾個原因的。第一個原因當然就係想記錄下自己的投資同埋財務自由之路。第二個原因當練習下寫作，自從小弟我考完DSE之後都好少寫文章，當年小弟考DSE中文在作文中是攞1的，寫下blog當練習下自已文筆啦。第三個原因就是小弟我雖然成日睇書都叫學到些東西，但係我覺得知識係要同人分享和交流，這樣自已可以整理下自已的資訊，大家都會有更多的得著同埋學到更多的東西。

個blog會有甚麼內容

小弟我從細到大最鍾意睇書，這裡會上載些書評主要是投資書籍，但其他類別的書我都會寫下書評。每本書我都會講下自已的讀後感、書的內容和那本書適合甚麼人看。第二個就是理財方面的知識和資訊，同埋自己的股票倉小弟我每半年都會更新一次，讓自己睇下一直的努力。同埋我都會講下一些對現今社會的看法，因為我不太想在facebook或instagram這些平台表達自已的看法，但這個blog沒有人會知道小弟我真名和真正身份，所以都會講下自已對現今社會的看法。

最後希望讀者們支持下小弟我個blog，可以在下面留言和我交流下或者有空就來到訪吧。